قصیده ثگیله لیوم اربعین الامام الحسین ع لسان حال السیده زینب س

☆☆☆☆

ردیت خویه من الیسر والحیل خلصان
واجفونی من کثر البچی و الهظم ذبلان


ردیتلک من الیسر خویه یوالی
اگعد لخیتک یابن امی وشوف حالی
مهظومه من عنک شلت ضایع دلالی
عفتک غصب اوداعتک موش ابرضا چان


عنک غصب خویه شلت موش ابرضاتی
ویّاک یوم الحملت خلصت حیاتی
اتمنیت من بعدک الف مره مماتی
گظّیت کل عمری ابمناحه وکومت احزان


اگعد یخویه ابداعت امی الزچیه
ویاک خل نگعد سوه و نحچی اشویه
احچیلک ابظیم السده والمر علیه
یحسین راحه ما شفت بس بعدک اشجان


اگعد یخویه وفکلی عینک عوف التراب
انظر علیه شلون اجیتک بعد الغیاب
مهظوم حالی من المرار و گلبی عطاب
یا نار فرگاکم گظانی و حیلی تعبان

.........تمت

✍بقلم الشاعره وخادمه اهل البیت ع
ام ابوالفضل مقدم( المجدماویه)📓


https://www.tg-me.com/joinchat-SrkHMGRjvwqoGy_L

قصیده فی حق الامام الحسین ع لیوم الشیله
و (فگد الاب)


امحمل وین یربات الافائیه
علی افراگک یبویه حیل مابیه


محمل وین بضعونک وعایفنی
و ماتنشد بعد یوم الشلت عنی
تچوی فرگتک بویه و تشوغنی
ما احمل اغیاب و لا وداعیه


شایل وین یا خیمه و ذرای انته
عایفنی صدگ و البیت هم عفته
ظعنی لیش بویه اویاک ما شلته
نحیله و تدری ما احمل افراگیه


فرگتگم ثجیله وحیل تاذینی
وتسری نارکم بلروح تچوینی
ما احمل فگد یا بویه تدرینی
وتدری فرگت الطیبین ماذیه


فرگتکم عمتنی و عذبت حالی
کلساعه التمر ، اذکرکُم ابالی
یاگعدت خواتی وگعدت الوالی
تهل عینی علیکم دوم جاریه


تهمل دمعتی و ما بطلت ساعه
هاظمنی الولی وکاتلنی بوداعه
یا فگد الهجر للروح لوّاعه
مو واحد مشه ، شالو جماعیه

(گطعیت الظن من عافونی)

.....تمت

✍بقلم الشاعره و خادمه اهل البیت ع
ام ابوالفضل مقدم( المجدماویه)📓

https://www.tg-me.com/joinchat-SrkHMGRjvwqoGy_L

نوحیه بحق امیر المومنین ع
(لیلت الضربه)

صدگ صابو علی حیدر علی الهام
اجت ابابه کلهه اتصیح الایتام


صدگ صابو علی کَبّر الاصیاح
طبرو هامته ومن سجدته طاح
یا چف الغِدَر بلمرتضی و لاح
یاوسفه اعلی ابونه الحید مادام


صدگ صابو ابونه حیدر الیوم
حید المرتضی فارس الجیدوم
من دم هامته غرگانه الهدوم
مطبور اعلی راسه بید ضلام


مطبور اعله راسه حیف و امچید
نایم ما یفک عینه الصندید
لا ترحل یحیدر گرّب العید
اگعد کمّل اویانه الاصیام


اگعد لا تنام او فک العیون
تصعب فرگتک مو سهله وتهون
نبچی اعلیک و اولادک یونون
ما نحمل حزن و جروح و آلام


مانحمل حزن لتنام بویه اگعد
لاتگطع یوالی و عنه مو تبعد
بینه اخلاف عینک منهو الینشد
و لو جارت علینه بویه الایام

(امصوبینه الحید الیوم)

'''""""""""""""""""""""€

✍بقلم خادمت اهل البیت ع
ام ابوالفضل مقدم
📓

https://www.tg-me.com/joinchat-SrkHMGRjvwqoGy_L

نعی لیلت التاسعه عشر من شهر رمضان
(لیلت الضربه)


طش الخبروالیوم اجانی
انصاب ابوی الدللانی
من طیحته الهم لفانی


طاح الولی والحیل مرهون
و من طیحته غمض العیون
جرحه کلف ما یرهم شلون


جرحه کلف والسیف مسموم
و تخطرت حالت الجیدوم
گلبی وجعنی وصبح مالوم


یا حالته تصعب علیه
من شفته ماضل حیل بیه
یل خفت منهه های هیه


الیوم ابونه امعصب الراس
میطیب جرحه شلون یاناس
یوجع اصوابه وبلگلب جاس


وسفه یبو گلب الحنین
تجهر بعد گلبی بلونین
های الفجیعه جتک امنین


جابو ابونه و راسه مصیوب
من صوبک بویه یمهیوب
یل بیک شاره و دوم مندوب


طایح یوسفه یا ولینه
وبلسیف راسک صایبینه
گلی الفکر اشلون بینه


مابیه حیل احمل الفرگه
یا بوی مثلک وین الگه
البین بلزین ایتنگه


یا بین لا تاخذ بلاحباب
ارچاچ مابینه اعلی الغیاب
عگب الحیاده بیش ننهاب


ننهاب بل زینین چنه
وبوجودهم یزهی نزلنه
طیبین یل کلهم محنه

شالو وشالوهه المحنه

••••••••••••••••••••••

✍بقلم خادمت اهل البیت ع
ام ابوالفضل مقدم
(المجدماویه)
📓

https://www.tg-me.com/joinchat-SrkHMGRjvwqoGy_L

فزاعیه بحق الامام علی ع
لیلت التاسعه عشر من شهر رمضان


یا حیف الوصی هلیوم
بل هامه امصوبینه


یاحیف الوصی ینصاب
ابونه الحید داحی الباب
لجله ادموعنه سچاب
والله الحاله تاذینه

یاحیف والف وسفه
ابونه طبرته کلفه
ما ظنه بعد تشفه
مو هینه تره اعلینه

تفجع حالت الوالی
صعبه دوهنت حالی
ما چانت علی بالی
فَجعَت یوم والینه

یل طایح ابمحرابک
علیک امکدره احبابک
وسفه الطاغی منصابک
کون انشلت ایمینه

یا وسفه یغدرونک
هیبه و یل یهابونک
ما چانوا یلاوونک
وینه الصوبَک وینه

وسفه اتطیح یایابه
انتَ الکلک اهیابه
نارک تسری لهابه
وسط الضلع تچوینه

(تچوینه یل نارک تلهب)

•••••••••••••••••••••••••

✍بقلم خادمت اهل البیت ع
ام ابوالفضل مقدم
المجدماویه
📓

https://www.tg-me.com/joinchat-SrkHMGRjvwqoGy_L

نوحیه بحق لیلت التاسعه عشر من شهر رمضان
(لیلت الضربه)

یبویه طر دلیلی صوت الاصیاح
علمک من لفه و گالو علی طاح


علمک من لفه بیّدلی الحیل
صحت ابصوت حیف اعلیک یاویل
تبچی العین لجلک بویه و اتسیل
وسط اگلوبنه اصواب الجرح لاح


علمک من لفانه هز الاجبال
یصوابک ثجیل وحیل چتال
مو هیین علینه یفجع الحال
یل گطعیت من اگلیبی سباح


یاهو الصوبک و تعده بحدوده
انت یل الک وصفات معدوده
علیک ارواحنه هلیوم ممروده
نسمع ونتّک و اتهیِج الاجراح


یا وسفه اعلی ابونه و یا الف حیف
مطبور اعلی راسه و طبرته ابسیف
بهیده اویه الجرح شدو علی الکیف
او لا یغمض جفنکُم حد الاصباح


عسا الصابک یبویه انشلت ایمینه
تصعب حالتک و الونه تاذینه
ناوی اتشیل شو چنک یوالینه
ما تدری ابملامه نبقه و انیاح

(تدرینه ما نحمل فگدک)

••••••••••••••••••••••••

✍بقلم خادمت اهل البیت ع
ام ابوالفضل مقدم
(المجدماویه)
📓

https://www.tg-me.com/joinchat-SrkHMGRjvwqoGy_L

قصیده بحق امیرالمومنین علی علیه السلام
لیلت العشرین من شهر رمضان
▪︎▪︎▪︎▪︎▪︎

یجر یومین اله حیدر بلونین
میشوم الجرح میطیب شو زین


یجر یومین اله و‌ مابطّل الونه
ابونه العافیه شو رایحه منه
حسافه اعلیک یابویه یلمچنه
گضه حیلک بعدحیلی یبوحسین


یجر یومین اله وخلصان کل حیله
گطع گلبی ونینه و بیّد ادلیله
مالی عین اصدله روحی انحیله
رکد حیلی و تلالی الدمعه بلعین


تلالی ادموعی ابعینی واناطرله
عندی احچایه من یگعد اگلله
اگله البیت دونک بویه مایحله
فدوه الگعدتک یمعدل او زین


بَطّل لاتون یابویه واسمعنی
زینب آنه یمک لا تخیبنی
لا ترحل بعد عینی و تسیبنی
اگعد گلی لا لا بویه تبچین


نایم‌ ما تفک عینک تحاچینی
مانی ابنیتک بویه بعد عینی
ذلیله اخلاف عینک لا تخلینی
وین الگه بعد مثلک یلحنین

[احو یلونّک هد حیلی]

••••••••••••••••••••••••

✍بقلم خادمت اهل البیت ع
ام ابوالفضل مقدم
(المجدماویه)
📓

https://www.tg-me.com/joinchat-SrkHMGRjvwqoGy_L

قصیده فزاعیه بحق الامام علی ع
(لیلت العشرین) لسان حال السیده زینب س


شلونه جرح ابونه طاب لو لا
ما نحمل ونینه و جرّت الآاااه

شلونه جرح ابونه ابحاله خبرونی
بطَّل ونتّه لو بعده حاچونی
مالی حیل اصدله تهمل اعیونی
مکسورت گلب و الروح تنعاه


خبرونی اعلی جرحه طاب لو بعده
یا دکتور بلله اعله الولی اتهده
سنده علوساده و الجرح شده
یفت الروح یونینه سمعناه


یون یومین مابطّل الونین
یل وناته ترهن وَدرَت العین
بهیده اعلینه بلله اویاک یابین
جرح اُمنه بعدنه ما نسیناه


یاوسفه اعلی حیدر یا الف وسفه
مطبور اعلی راسه و طبرته کلفه
اوی یلبین و الدنیا صدگ صلفه
منهه الزین وسفه ما حویناه


شیهیده الگلب علوالی شیهیده
عمری اخلاف عمره والله ماریده
ساعت فرگتک یلوالد ابعیده
لو ینسام عمرک چا شریناه

( لاترحل و آنه اتخلینی)

••••••••••••••••••••••

✍بقلم خادمت اهل البیت ع
ام ابوالفضل مقدم
(المجدماویه)
📓

https://www.tg-me.com/joinchat-SrkHMGRjvwqoGy_L

قصیده بحق الامام علی ع
(لیلت العشرین من شهر رمضان)

~~~●

جرحه طاب لو بعده یون منّه
مالی حیل اشوفه و لا اسمعنه


جرحه طاب بشرونه علی احواله
گلبی مرتعب او خابت آماله
یون البیت کله و تبچی اعیاله
ما نحمل ونینه والله یوجعنه


بشرونه اعلی ابونه داحی الباب
جرح الراس ینزف بعده لو طاب
حیف البی محنه ابهامته انصاب
و یا وسفه جریح و یجهر الونه


جرحه طاب لو بعده دمه ینزف
غمیجه طبرته و الجرح ماینشف
عمت عینی یلوج امن الوجع یرجف
مالی حیل اصدله و لا اشوفنه


بشرنی یخویه احسین بلوالی
جرحه شلونه گلی دوهن احوالی
علیه انعاب گلبی و انشده بالی
لو بیدی اشیلنّه الوجع عنه


یلوج امن الوجع وبهیده اینادی
تعالو اهنا یگلهم گعدو یولادی
یوصیهم علیّه و یچوی بفادی
یشیل الیوم شو ناوی صدگ چنه


مایبره الجرح و یگول خلونی
یبویه اعلی الوساده اهنا دسندونی
ما فاد الدوه و لا دمعت عیونی
لو ما توُفی عینی بروحی لشرنه


•••••••••••••••••••••••

✍بقلم خادمت اهل البیت ع
ام ابوالفضل مقدم
(المجدماویه)
📓

https://www.tg-me.com/joinchat-SrkHMGRjvwqoGy_L

نعی بحق الامام علی علیه السلام
(لیلت العشرین)
••••••••••••••••••

بشرنه یا دکتور ابونه
جرح الولی گلی اشلونه
ظنّی علیه لا تخیبونه

ابهیده علیه لمن تضمدو
داوو الجرح بس لا تلچموه
یکلف اصوابه موش تاذوه

یومین ما نایم ولینه
ویجهر بعد گلبی ونینه
تصعب الحاله شلون بینه

تصعب الحاله موش هینه
یجهر ونینه الوالی یمنه
خیمتنه یل کله محنه

ثاری الابو خیمت اعیاله
وهیبه صدگ نزمط ابجاله
هلیله والدنه اشحاله

غالی الابو یاناس غالی
هیبت بناته وجبل عالی
دمعی علیه الیوم هالی

لالت دمعتی وغرگت العین
یلچم ابگلبی صوت الونین
لا تون یابویه یلحنین

آه یلونتک ترهن الحیل
لا هودت لا نمت بلیل
ناوی یبویه چنک اتشیل

لا تون یل کلک محنه
و لا ترتحل یابویه عنه
نگضی العمر ویّاک ردنه

کون العمر ویّاک یگضی
ما نحمل الفرگاک تدری
اخلافک بعد بلعمر شلی

بعدک تره خلصان حیلی

•••••••••••••••••••••

✍بقلم خادمت اهل البیت ع
ام ابوالفضل مقدم
📓


https://www.tg-me.com/joinchat-SrkHMGRjvwqoGy_L

فزاعیه للامام علی ع
(لیلت العشرین)

°°°°°°°°°°°°°°°

تون یومین یلوالی
ها یلونتک ونّه


تون یومین یاغالی
علیک انصاب دلالی
ومشدوهه اصبحت حالی
تون و اِلوَن اسمعنه


تون والونه مخفیه
تهد الحیل ماذیه
ما هانت ابد لیه
شبیدی اعلیک یمچنه


یون الحید یا وسفه
ابونه الیحضر الکلفه
قالع خیبر ابچفه
قسیم النار والجنه


یون و الونه تاذینه
تصعب حالته اعلینه
حیف اعلیه امصوبینه
و جرحه کلف حیرنه


تکلف طبرت الهامه
و مدمومه العمامه
اظنهه گربت ایامه
ناوی ایشیل چن عنه


ناوی ایشیل ‌داحی الباب
جرحه لا بره و لا طاب
گلبی یون اعلیه و انعاب
افراگه ما احملنه

••••••••••••••••••••••

✍بقلم خادمت اهل البیت ع
ام ابوالفضل مقدم
📓

https://www.tg-me.com/joinchat-SrkHMGRjvwqoGy_L

فزاعیه للامام علی علیه السلام🏴


صدگ راعی المحنه حمل وشال
سد عینه حسافه و عاف العیال


صدگ راعی المحنه غمض عیونه
هذا البشدد و الکلفه یردونه
شجاع و بلمرایل دوم ایوصفونه

(یندبونه لو صارت شده)


حسافه اتشیل یاحیدر یکرار
یاوالی الیتامه و حامی الجار
محرابک یون و خالیه الدار

(محراااابک ایون وخالی)


یازینب الطمی و حزنی الیله
شال الیوم ابونه الیعدل المیله
علی فگده تنوح وتبجی العیله

(البی هیبه اشلون ایشیل)


شال البی المحنه وغمض العین
حمّل بلظعن لا وین لا وین
حسافه البین یاخذ وین مازین

(احو یلبین و لچماته)


حسافه البین یتخییر بلاحباب
خلانه نون من بعد الغیاب
شالو من وکت سکنوا بلتراب

(تچوینی یا نار احبابی)

•••••••••••••••••••••

✍بقلم خادمت اهل البیت ع
ام ابوالفضل مقدم
📓

https://www.tg-me.com/joinchat-SrkHMGRjvwqoGy_L

نعی بحق امیر المومنین ع (لیلت الوفات)🏴


شال الولی و ایسنه منه
لاچن بگت بلگلب ونه
الموت حتم و افترگنه

شال الولی و ایسنه گوه
غصبن علینه موش رضوه
ما تنسی العشرته الحلوه

غالی الابو اشلون ننساه
غصبن علینه فارگیناه
للعازه و الضیجات ردناه

موش الابو للضیج مریود
وهیبه صدگ لو شخصه موجود
شایل یوسفه و بعد میعود

شال الابو و البیت عافه
ومفگود شخصه یاحسافه
عونه الگعد یَمّه وشافه

عونه الگعد ویاه ساعه
حنین یل حلوه اطباعه
عزیز ما یسهل اوداعه

شایل یمن کله محنه
ومثله بعد هیهات نلگه
ذلینه یل رایح دگله

بعد وین نلگه العاشرونه

ما تنّسی یل عاشریناک
طگنه الهظم والیوم ردناک
بلدار گعدینه و ذکرناک

ذکرناک یاخیمت نزلنه
یزهی الشمل محلانه چنه
نگظی العمر ویّاک ردنه

کون العمر یگضی اویاهم
لذیذین یا محله حچاهم
البین یا وسفه خذاهم

زینین و الوسفه علیهم

•••••••••••••••••••••

✍بقلم خادمت اهل البیت ع
ام ابوالفضل مقدم
📓

https://www.tg-me.com/joinchat-SrkHMGRjvwqoGy_L

فزاعیه لیوم الاستشهاد الامام علی ع

🏴🏴🏴🏴🏴🏴🏴🏴🏴🏴🏴

شال المرتضی هلیوم و الایتام حزنانه


شال المرتضی الیله
و الایتام تنعیله
عاف البیت و العیله
تنعی اعلیه دیرانه


تبچی الدار و اولاده
وحزنت لجله الساده
حال الوالی اتراده
شال الیوم رجوانه


بعده البیت ماردناه
عزیز الروح فارگناه
دیرانه ابحزن تنعاه
منّه الیوم خلوانه


شایل وین ابوالحمله
تون اعلیه الیوم اهله
فگده للگلب عله
عگبه وین ملفانه


عگبه مالنه تچوه
ابونه العشرته حلوه
فارگنه الدهر گوه
و ما خلاه ویّانه


اخلافه بهظم ضلینه
عگب الحید والینه
فگده حیل ماذینه
شال ابحزن خلانه

(یل فگدک نار و یچوینه)

•••••••••••••••••••••

✍بقلم خادمت اهل البیت ع
ام ابوالفضل مقدم
📓


https://www.tg-me.com/joinchat-SrkHMGRjvwqoGy_L

قصیده للامام علی ع لیلت الاستشهاد🏴


شال المرتضی و ماتمم اصیامه
العید اجبل علینه و گربت ایامه


شال المرتضی و غمضهن اعیونه
یا حید الصمیده الکل یهابونه
حیف اعلی الوصی بتراب ایدفنونه
و ماطابت حسافه طبرت الهامه


شال البی محنه و ابتعد عنه
خلانه ابحزن و الهظم کاتلنه
شلنه بلعمر اخلافه چا شلنه
صرنه من عگب عیناه ایتامه


شایل وین یابویه یداحی الباب
مذلوله عفتهه ابنییتک یا یاب
و المثلک یوسفه اینام جوه اتراب
یا حیف الوکت شخصک المادامه


حرامات اعلی وجهک غابت ارسومه
المثلک بلترب وسفه صبح نومه
یروحی اعلیک بویه الیوم مالومه
احن الشوفتک و الیل ما نامه


اون اعلیک یل عایفنی بهمومی
بعدک ماحله بعیونی کل نومی
من کونه گبل یومک خلص یومی
محتامه علیک الروح محتامه

(تچوینی یا نار الفرگه)

••••••••••••••••••••••

✍بقلم خادمت اهل البیت ع
ام ابوالفضل مقدم
📓

https://www.tg-me.com/joinchat-SrkHMGRjvwqoGy_L

*فزاعیه بحق السید ابراهیم الرئیسی(ره) و السائرین الشهداء💔🏴*


قُلْ لَنْ يُصِيبَنا إِلاَّ ما كَتَبَ اللَّـهُ لَنا هُوَ مَوْلانا وَ عَلَى اللَّـهِ فَلْيَتَوَكَّلِ الْمُؤْمِنُونَ

﴿الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ ۝ أُوْلَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُوْلَئِكَ هُمُ الْمُهْتَدُونَ﴾

عظم الله اجورنا و اجورکم بهذی الفاجعه المولمه💔

"""""""""""""""""""""""""""""""""""""""""""""""

ما نرضه الحیاده اتشیل ، یا وسفه فگدناهم
هیبه للوطن یبگون و العازات ردناهم


مانرضه العزاز اتشیل و اتغرّب
ذوله ارجال هیبه البلحرب ترهب
بلمجلس فخر گعداتهم تِعجب
یا وسفه علیهم ضیعیناهم


یا وسفه علی الزینین یا وسفه
یسباع الوطن یل تگظی الکلفه
هیبه یل اسمهُم من یُمر یکفه
تذوب ارواحنه لو یُمر طرواهم


تذوب الروح صعبه الفاجعه اعلینه
اعزاز اکبار راحت ما ترد لینه
کل ایران حزنان و تهل عینه
یصعب ما یهون و یچوی فرگاهم


یا وسفه اعله کل غالی فگدناه
و مو واحد نگول ایهوون فرگاه
وین الوین خییر ضیعیناه
و اتراب الحد یا حیف غطاهم


حیف البین یاخذ وین مازین
یعمی افراگهم یل بچّه کل عین
ازغار اکبار کل احنه محزنین
نضل للموت ما ننساه ذکراهم

(یردووونه الحد و المجلس)

...........💔🏴💔..........

✍بقلم الخادمه

ام ابوالفضل مقدم(المجدماویه)


.......................●○●
https://www.tg-me.com/joinchat-SrkHMGRjvwqoGy_L

فزاعیه
*بحق السید الرئیسی*

🏴🏴🏴🏴🏴🏴🏴

السید شال و العلّام یردونه
علیه متکدره و الناس محزونه


السید شال و العلّام متکدره
تبچی اعلیه کلهه و تنحب ابعبره
ناره بلضلع و الروح مستعره

(لهابه یل نارک تچوی)


شایل یا وسف یل بیه الکفایه
بو حچی المعدل بی شطر آیه
یستاهل عراضه و بیرغ و رایه

(احا یل یومه امبچینه)


وین اترید یا مهیوب یمچنه
یل یومک صدمنه وحیل فاجعنه
تون ارواحنه و یسیل مدمعنه

(شلون امغرب یل بیک الهیبه)


شلون اتشیل و احنه ازماطنه بیک
رییس و الریاسه لایگه اعلیک
هیبه اسمک کفو و نعمین طاریک

(یلسید یل زودک عالی)


سید و ابن سید یا کفو منهُم
یا سود العمایم و النبی جدهُم
یهل الطیب وسفه البین ماخذهُم

(یا وهّامه و الزود الهم)

🏴🏴🏴🏴🏴🏴🏴

✍بقلم الخادمه
ام ابوالفضل مقدم ( المجدماویه)

●●●●●●●●●●○

https://www.tg-me.com/joinchat-SrkHMGRjvwqoGy_L

بسم الله الرحمن الرحیم

انا لله وإنا إليه راجعون🖤

تلقينا ببالغ الحزن والأسى بهذی المناسبه الالیمه 🖤 طبعاً کلش الیمه
اصبح الشعب یبکی دماً💔

نرفع التعازی و المواسات الی جمیع مراجعنا العظام و الی جمیع الشعب الایرانی

بفقد الشیخ العزیز و الرئیس الجمهوریه الاسلامیه(ایران) و فقد باقی السائرین الشهداء التی اجتهدوا و ضحوا بانفسهم لاجل الاسلام و الدین و الحق.

راجين من العلي القدير أن يتغمد الفقداء بواسع رحمته وأن يسكنهم فسيح جناته ...

اللهم آمین یارب العالمین

خادمه اهل البیت ع
الشاعره ام ابوالفضل مقدم

لستة دعم الحجه المنتظر عج رقم 2

☘☘☘☘☘☘☘☘☘☘☘☘
ــــــــــــــــــــــــــ

قناة زيارة ال يس
💐 @satob_mn_ajl_al_mahde
ــــــــــــــــــــــــــ

قصائدللرادودعلي لفته خضير
💐 @AIi66889
ارث ال محمد
💐 @txzte
انتظاري قائم حتي ظهور القائم
💐 @Husseinee
حقيقة الوجود
💐 @RealityAlwojod
دراسة جميع مراحل
💐 @zozaa5672
قصائد و نعي + وابوذيات مكتوبه
💐@Alhos77com
قناة :(خواطر الوالهين)
💐 @mohammadssadiq
قصائد منبريه مكتوبه
💐 @muhigdoohhk
الحان الرادود مصطفي الكربلائي
💐 @mllemustafa
اهات زينب
💐 @AilAilAilAilAA
- لِقَلْبِکَ سَمَاءٌ "
💐 @heartedsky
الادعيه الميسره
💐 @snamb
حشد الولايه ولمرجعيه
💐 @hashdm313
لبيك يا حسين
💐 @LabaikHussain
شائق يتمني
💐 @Ghildren
امفارق وليلي يذكرني بهجرهم
💐 @hHH199632
الشاعر فالح العامري
💐 @falehalameri
العلم وراثه كريمه
💐 @qdthcxvg
الشاعره ام كرار الشباني
💐 @krsnta21
خدام الامام الحسین(ع)
💐 @Mertowwkcvip
ستوریات حسینیه
💐 @zm99z1
غسق
💐 @Mujtabab
ديوان انين وعبرات
💐 @meumabolfazlmoghadam
قناة رقيه للشاعره ام احمد
💐 @alzmqpa
طب وعلوم اهل البيت (ع)
💐 @AlwumAhlAlpyet

💜❤️💜❤️💜❤️💜

💜❤️💜❤️💜❤️💜❤️

⚠️#شروط_الدعم

1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله

🔺للاشتراك بدعم عبر معرف مثبت↙️
@ansar_313_m

@satobmnbot
➖➖➖➖➖➖


https://www.tg-me.com/satob_mn_ajl_al_mahde